خاصـ لك ــ انت ـــــــــــة

الخواطر سايحه والشك زال ** ومن عرف مثلك عرف قيمة خويه
والذهب وان حاولوا ماله بدال ** والمشاعر بالغلا ماهي خفيه
والنوايا الصافيه اصدق دلال ** ويشهد الله شوفتك مثل الهديه


بعض المواقف تجي وتروح ماتبقى ** وبعض المواقف صداها بالعمر باقي
ياصاحبي لامعي تتعب ولاتشقى ** يتبدل الوقت واخلاقي هي اخلاقي
إن جيت ارحب واذا ماجيتني تبقى ** مال الردي والطيب عهد وميثاقي



تفضل ترى بالقلب دارك ومنزالك ** على ماتبي نفسي تجي وانت راعيها
ترفق بقلب صرت تلعب به لحالك ** يقول القصايد وانت بعده تغنيها
أحبك وأحب اسمك ورقمك وجوالك ** وأحب الديار اللي رجولك مشت فيها


ماكل عين تذرف الدمع بأحزان ** وماكل من يضحك يعيش بسعاده
كم واحد دمعه على الخد هتان ** من زود همه يذرف الدمع عاده
يحاول انه يبتسم قدر الامكان ** ويضحك ونار الحزن تحرق فؤاده


عزاه ياقلب ظروفه تحداه ** مامر به يوم من الهم سالي
وعزاه ياقلب فقد كل قواه ** وشدة عليه الحمل سود الليالي
على حبيب مابقى غير ذكراه ** اللي بنومي شفت زوله قبالي
وفزيت من نومي ابي القرب وياه ** وجدت نفسي في فراشي لحالي


ماكل من يضحك بوجهك يودك ** ولا كل من يبكي بكى صدق واحساس
أحدٍ بكى في غيبتك يوم صدك ** وأحدٍ ضحك يومك عليل ومحتاس
عش في حقيقه واعرف اللي يحبك ** واعرف قدر من هو يعزك من الناس


سلام لك من صادق القلب مشروح ** ياللي غلاك بداخل القلب ماراح
نــاس تجـــي وتروح ماهزت الروح ** وناس غلاها ثابت وسط الارواح
ياللي بنيت من الوفــا قصر وصروح ** قصر مشيّد مع هل الجود ماطاح


ياصاحبي كلن يولم جوازه ** ترى رفيقك خاطره حيل تعبان
اسرع تراني متجه يم كازه ** ودي ترافقني على خط تطوان
ناس كرمهم في بنات وقزازه ** وحنا نحسب ان الكرم ذبح خرفان


ماني من اللي يرخص النفس لاضاق ** ولاني من اللي يرخص اليوم غالي
سبحان ربي كرم النفس بأخلاق ** الطيب عمي ومصدر الجود خالي
واللي يبيني يمه الروح تنساق ** واللي سلاني عنه القلب سالي